2024 жылғы 27 маусымда Қазақстан Республикасының Денсаулық сақтау министрі Ақмарал Әлназарова және «QazBioPharm» ұлттық холдингі» акционерлік қоғамының бас директоры Ерғали Абдураимов Холдингтің еншілес ұйымы «Қазақ ғылыми-зерттеу ветеринария институты» жауапкершілігі шектеулі серіктестігіне жұмыс сапарымен барды.

Кездесу барысында институт басшысы Мархабат Қасенов және өзге де қызметкерлер атқарылып жатқан жұмыстарды баяндап, институттың негізгі қызметімен таныстырып шықты.

Сондай-ақ институттың алдағы бес жылға даму жоспары және өзекті мәселелерді шешу жолдары талқыланды.