Дүниежүзілік зияткерлік меншік ұйымында (ДЗМҰ) генетикалық ресурстар және олармен байланысты дәстүрлі білім бойынша дипломатиялық конференция өтуде.

2024 жылғы 13-24 мамырда Женевадағы ДЗМҰ штаб-пәтерінде ұйымға мүше мемлекеттердің делегаттары Зияткерлік меншікке, генетикалық ресурстарға және соған байланысты дәстүрлі білімге қатысты ұсынылатын шарт туралы келіссөздердің соңғы кезеңіне қатысу үшін жиналды.

Конференцияға «QazBioPharm» ұлттық холдингі» АҚ атынан ғылым департаментінің басшысы Нұргүл Сихаева қатысуда.

ДЗМҰ–ға мүше мемлекеттердің көпжылдық келіссөздеріне нүкте қоятын Дипломатиялық конференцияға қатысу үшін әлемнің түкпір-түкпірінен 1200-ден астам делегаттар, бақылаушылар және басқа да мүдделі тараптар тіркелді.

Генетикалық ресурстар және онымен байланысты дәстүрлі білім дегеніміз не?
Генетикалық ресурстар, мысалы, дәрілік өсімдіктерде, дақылдарда және жануарлар тұқымдарында болады. Іс жүзінде генетикалық ресурстар зияткерлік меншік объектілері ретінде қорғалмайды, бірақ олардың негізінде жасалған өнертабыстар көбінесе патент арқылы қорғалуы мүмкін.