«Қазақ ғылыми-зерттеу ветеринария институты» ЖШС
«Қазақ ғылыми-зерттеу ветеринария институты» жауапкершілігі шектеулі серіктестігі (РКМ) «QazBioPharm» ұлттық холдингі» АҚ еншілес ұйымы болып табылады.
Басшылық
Бас директоры – Қасенов Мархабат Мелісбекұлы, ветеринария ғылымдарының кандидатығ профессор
Негізгі бағыттары және мақсаттары:
- ҚР территориясында аса қауіпті, зооантропонозды және эмерджентті инфекциялардың пайда болуы мен таралу қаупін болжау, бағалау және басқару, эпизоотологиялық мониторинг жүргізу;
- жұқпалы және жұқпалы емес ауруларды балау, алдын алудың тәсілдері мен әдістерін, ауру малбасын емдеу және жануарлар денсаулығын қорғауға арналған препараттарды өндіру технологиясын іздеп табу және — жетілдіру;
- жануарлар және өсімдік текті өнімдердің тағамдық қауіпсіздігін қамтамасыз етудің, бақылаудың және сапасын бағалаудың әдістерін жасау;
- жануарлардың жұқпалы және жұқпалы емес ауруларының алдын алу және жою бойынша эпизоотияға қарсы іс-шаралар жүйесін әзірлеу және енгізу (ҚР-да жануарлар ауруларымен күрес бойыншаі ұлттық бағдарламалар);
- ветеринария бойынша, оның ішінде Қазақстан Республикасының аумағының аса қауіпті инфекциялардан таза мәртебесін алу мақсатында әзірленетін нормативтік құжаттардың ғылыми негіздемесі (Қазақстан Республикасының биоқауіпсіздігін қамтамасыз ету).
Ғылыми-өндірістік қызмет бағыттары:
- жануарлардың ауру қоздырушысының генетикалық құрылымын зерттеу;
- жануарлардың ауруларының қоздырушысының генетикалық өзгергіштігін зерттеу;
- жануарлардың ауыруы кезінде иммунобиологиялық көрсеткіштерін зерттеу;
- эпизоотияға қарсы шаралардың ғылыми негізделген жүйесін әзірлеу;
- балаулық және емдік-алдын алу препараттарды әзірлеу;
- Қазақстан Республикасы аумағының ветеринариялық қауіпсіздігін ғылыми қамтамасыз ету;
- экологиялық және тағамдық қауіпсіздікті қамтамасыз ететін құралдар мен әдістерді әзірлеу;
- шаруашылық нысандарға ғылыми-әдістемелік және тәжірибелік көмек көрсету
- жұқпалы аурулармен күресудің стратегиясы мен тактикасын әзірлеу;
- ғылыми әзірлемелерді енгізу.
Эл.пошта: kaznivialmaty@mail.ru
Байланыс номері: +7(727) 233-72-71
Мекенжай: Алматы қаласы, Райымбека 223