Астана қ., Қорғалжын тас жолы 13/5
Рсалиев Аралбек Сырашұлы
Бас директордың ғылым, коммерцияландыру және өндіріс жөніндегі орынбасары м.у.а.

Рсалиев Аралбек Сырашұлы 1979 жылы Қызылорда облысы, Арал қаласында дүниеге келген.

Еңбек жолын 2001 жылы Ауыл шаруашылығы ғылыми-зерттеу институтында (2010 жылдан – Биологиялық қауіпсіздік проблемалары ғылыми-зерттеу институты) аға зертханашы қызметінен бастады. 2003 жылы кіші ғылыми қызметкер, 2010 жылы аға ғылыми қызметкер, 2013 жылы жетекші ғылыми қызметкер, 2013 жылдың 2 қыркүйегінен бастап зертхана меңгерушісі лауазымына тағайындалды.

2022 жылғы 1 қыркүйектен бастап «QazBioPharm» Ұлттық холдингі» АҚ бас директорының ғылым, коммерцияландыру және өндіріс жөніндегі орынбасары болып тағайындалды.

Ғылыми дәрежесі:

2009 жылы ауыл шаруашылығы ғылымдарының кандидаты ғылыми дәрежесін алу үшін диссертация қорғады.

2020 жылы «03.01.00 – Биология» мамандығы бойынша профессор ғылыми атағы берілді.

Кәсіби біліктілігін арттыру үшін Қытайда (Пекин, 2006), Түркияда (СИММИТ, Измир, 2014), Ресейде (Мәскеу, Санкт-Петербург, Новосібір, 2006-2022) шетелдік тағылымдамадан өтті.

2021-2023 жылдары «Су ресурстары, жануарлар мен өсімдіктер әлемін ұтымды пайдалану, экология» басым бағыты бойынша Ұлттық Ғылыми кеңестің төрағасы болды.

Қазақ ұлттық аграрлық зерттеу университетінде және Қорқыт Ата атындағы Қызылорда университетінде Phd диссертацияларды қорғау жөніндегі диссертациялық кеңестердің мүшесі. «Биоқауіпсіздік және биотехнология» және «Қорқыт Ата атындағы Қызылорда университетінің хабаршысы, ауыл шаруашылығы ғылымдарының сериясы» ғылыми журналдарының редакциялық алқаcының мүшесі.

Профессор А. С. Рсалиев азық-түлік және биологиялық қауіпсіздік және биотехнология саласындағы ғылымның дамуына елеулі үлес қосты.

2012-2022 жылдар аралығында гранттық және бағдарламалық-нысаналы қаржыландыру шеңберінде іске асырылған 10 ғылыми жоба мен бір ғылыми-техникалық бағдарламаның ғылыми жетекшісі болды. Жоғарыда аталған жобалар мен ғылыми-техникалық бағдарламаларды іске асыру нәтижесінде жоғары баға алған, Қазақстан Республикасында практикалық қолдануды тапқан бірегей ғылыми нәтижелер алынды.

170-тен астам ғылыми жұмыстардың, оның ішінде Web of Science (Clarivate Analytics) және Scopus дерекқорларымен индекстелетін шетелдік рецензияланатын журналдарда 17 мақаланың, Қазақстан Республикасының патенттері мен инновациялық патенттеріне 10 авторлық куәліктің, 8 әдістемелік ұсынымның және 3 монографияның авторы.

Scopus ақпараттық базасы бойынша Хирш индексі-9.

Екі магистр дайындады және қазіргі уақытта 2 PhD докторанттың ғылыми жетекшісі.

Мемлекеттік наградалары, құрметті атақтары және мерекелік медальдары:

1. Жамбыл облысының «Жамбыл облысына сіңірген еңбегі үшін белгісі» төсбелгісі, 09.12.2021.

2. ҚР Денсаулық сақтау министрлігінің «Денсаулық сақтау ісінің үздігі» төсбелгісі, №408 куәлік, 02.06.2023.

3. Қазақстан Республикасы Премьер-Министрінің орынбасарының алғыс хаты, 2021 ж.

4. Қазақстан Республикасы Ғылым және жоғары білім министрлігінің грамоталары, 2020-2023 жж.

5. 2023 жылғы «Үздік ғылыми қызметкер»